In order to fulfill the basic functions of our service, the user hereby agrees to allow Xiaomi to collect, process and use personal information which shall include but not be limited to written threads, pictures, comments, replies in the Mi Community, and relevant data types listed in Xiaomi's Private Policy. By selecting "Agree", you agree to Xiaomi's Private Policy and Content Policy .
Agree

الصور الفوتوغرافية

[مقالات تعليمية] الألوان في التصوير الفوتوغرافي

2020-04-23 23:52:15
1772 6
أهلا محبي شاومي،

جزء كبير من رؤيتي في التصوير بيعتمد علي توصيل مشاعر معينه وعلشان نوصل المشاعر دي لازم نهتم بمكون أساسي في الصوره و هو الألوان .
الألوان عالم كبير جداً وفي هذه المقاله سنقوم بالتركيز علي بعض الاشياء يجب ان نكون على علم إثناء التصوير .

1- الالوان الاساسيه و تأثيرها علي الصور :

الالوان الاساسيه عباره عن الاحمر والاصفر والازرق ويعتبروا ألوان اساسيه علشان بينتج عنهم ألوان كتير جدا لما بنخلطهم ببعض و يفضل التركيز علي نوع واحد من الألوان دي علي الاقل عند التصوير .
اللون الاحمر : يرمز للعاطفه أو الحب و ممكن يرمز للغضب أو الخطر .
اللون الازرق : يرمز للبروده أو الوسع أو العمق .
اللون الاصفر : يرمز للتفائل أو الحموضه .

علشان كده الألوان تعتبر طريقه تواصل بين المصور و المشاهد يعني مثلاً لو المصور كان غالب في صورته اللون البرتقالي فا المشاهد هيوصله مشاعر دفئ كما بالصورة التاله .



2- كيفية اختيار الالوان المناسبه للصوره ؟

في كذا نظريه تقدر تظبط بيها الالوان زي مثلا نظرية الثالوث triad وهي انك بتتخيل مثلث متساوي الاضلاع علي عجلة الالوان و بكده بتجمع مزيج بيتكون من ٣ الوان .


او نظرية المخطط التكميلي complementary و ده بيبقي مزيج بين لونين متعاكسين في عجله الالوان .


و علشان الموضوع معقد شويه فا الموقع ده بيساعدك تختار نظريه الالوان المناسبه لصورك بطريقه سهله .

و كمان لو عجبتك الوان اي صوره تقدر تحطها في الموقع ده و يجيبلك ألوان الصوره كلها بحيث تقدر تنفذها بنفسك علي اي صوره ليك .
وللوصول للموقع المشار إليه إضغط (هنا) .

3- كيفية ضبط الوان الصوره ؟

مبدأيا اسهل برنامج تتعلم عليه و كمان بيخليك تتحكم في اي لون في الصوره عندك هو Lightroom ولتحميل التطبيق من متجر جوجل إضغط (هنا) .
في الجزء الخاص بالالوان هتلاقي لكل لون ٣ خانات علشان تتحكم باللون .

كلمه Hue : دي كلمه مرادفه لكلمه لون .
التشبع اللوني Saturation : عادة بيعكس مشاعر معينه في الصورة يعني لو تشبع الالوان قليل و مايل للبهتان بيدي مشاعر كآبه و غموض و لو العكس بيدي مشاعر زي طاقه أو حماس .
السطوع luminance : الصوره الأقل سطوع بتكون غامضه و الاعلي سطوع بيكون فيها مشاعر تفائل و حيويه .
تقدر تتحكم في التشبع اللوني والسطوع علشان توصل لنتيجه مرضيه ومش مؤذيه للعين يعني الصوره متبقاش متشبعه باللون اوي فا تبقي فاقعه أو يبقي تشبعها قليل فا اللون يختفي *الا في حاله انك مش عايز اللون ده في الصوره خالص فا بتخليهم علي صفر*

أمثلة :
صوره توحي بالطاقه و التفائل :



صوره توحي بالغموض :


4- توازن اللون الأبيض White balance :

اللون الابيض اهم لون في الصوره علشان لو الابيض مظبوط يبقي باقي الالوان مظبوطه ، مظبوط بمعني أن اللون الابيض مأثرش عليه لون تاني و شايفه في الصوره ابيض زي ما كنت شايفه علي الحقيقه قبل ما تلقط الصوره .
الا في حاله انك حابب تزود مشاعر الدفئ في الصوره فا بتحرك ال temperature من الاعدادات ناحية اللون البرتقالي ، أو تزيد مشاعر البروده فا تحركه ناحيه اللون الازرق .

أمثلة :
اللون الازرق و مشاعر البروده :



اللون البرتقالي و مشاعر الدفئ :



لو قدرت تحافظ علي استخدامك لألوان معينه في صورك هتبقي بكده بدأت تلاقي ستايلك الخاص بيك في الصور و تبقي مميز عن أي حد .

أمثلة
توحيد اللون البرتقالي :



توحيد اللون الازرق :



وفى النهاية لاتنسى مشاركتنا رايك فى التعليقات
هل تفضل تعديل ألوان الصور الملتقطة للحصول على صورة مميزة ؟

اتمنى تكونوا استفدتوا و كل الصور بموبايل Mi Note 10 .
2020-04-23 23:52:15
Favorites7 RateRate

Rookie Bunny

6279162411 | from app

#1

♥️♥️♥️♥️استفد جدا شكرا شاومي
2020-04-24 00:10:09

Rookie Bunny

Ranaa99 Author | from Mi Note 10

#2

6279162411
♥️♥️♥️♥️استفد جدا شكرا شاومي

⁦❤️⁩⁦❤️⁩⁦❤️⁩
2020-04-24 00:10:51

Rookie Bunny

6279163225 | from app

#3

هو نوع الموبيل   الي حضرتك بتصوري بيه شاومي ايه
2020-04-24 00:19:30

Rookie Bunny

Ranaa99 Author | from Mi Note 10

#4

6279163225
هو نوع الموبيل   الي حضرتك بتصوري بيه شاومي ايه

Mi note 10 ❤️
2020-04-24 00:22:05
موضوع هام ورائع ومفصل ومجهود رائع من حضرتك ...... وننتظر مزيد من الابداع ..... شكرا جزيلا
2020-04-24 23:57:01
Ti Too

Grand Master Bunny

WL MR TV | from MI MAX 3

#6

مقال رائع ومتميز ومشاركة قيمة ، شكرا
2020-07-08 03:08:50
please sign in to reply.
Sign In Sign Up

Ranaa99

Rookie Bunny

  • Followers

    3

  • Threads

    1

  • Replies

    2

  • Points

    15

Read moreGet new

Mi Comm APP

Stay updated on Mi Products and MIUI

Copyright©2010-2021 Xiaomi.com, All Rights Reserved
Quick Reply To Top Return to the list