In order to fulfill the basic functions of our service, the user hereby agrees to allow Xiaomi to collect, process and use personal information which shall include but not be limited to written threads, pictures, comments, replies in the Mi Community, and relevant data types listed in Xiaomi's Private Policy. By selecting "Agree", you agree to Xiaomi's Private Policy and Content Policy .
Agree

Redmi Note 7

[المناقشات] تجربه Redmi note7 وملخص امكانيات الجهاز

2019-06-16 08:26:56
469 25
الموضوع ممكن يكون مهم لبعض الناس

قريت بوستات كتير لناس بتسال تجيب Redmi note7 ولا تستني  Realme3pro

اولا انا مش منحاذ لحاجه معينه ومجربتش ريلمي قبل كده خالص

وانا حاليا معايا Redmi note7 بقاله حوالي شهر ونص وطبعا دى فتره كافيه لتجربته ومعرفه المميزات والعيوب

الملخص:-

١/ اداء الجهاز معايا ممتاز فعلا يعني ولابيهنج ولا في لاج فالالعاب.

٢/الكاميرات طبعا بما ان الجهاز بيدعم جوجل كاميرا انا الصراحه مش بستخدم خالص الكاميرا الاساسيه الا فى الوضع الاحترافي علشان الشاتر سبيد...طبعا فى ناس كتير مش عارفين هو ايه جوجل كاميرا ده....جوجل كاميرا ده برنامج للتصوير مدعوم من شركه جوجل لتحسين وتصحيح الاخطاء للصور الملتقطه وطبعا بيطلع صور تحفه جدا..وخصوصا كمان فالوضع الليلي فرق شاسع بينه وبين الكاميرا الاساسيه وبالنسبه للكاميرا السيلفي انا برضوا مواجهتش فيها اى مشاكل بالرغم من ان فى ناس كتير بتقول جودتها مش حلوه انا بالنسبه ليه شايفها كويسه جدا وبرضوا بستخدم الجوجل كاميرا.

٣/البطاريه بقي ادائها مش عالي الصراحه زى النوت5 يعني انا استخدامي تقيل والبطاريه مش بتقدر تكمل معايا اليوم كامل استخدام متواصل حتي لو كنت مقلل الاضاءه وقافل الداتا وبالمناسبه انا معنديش واى فاى واستخدامي كله علي بيانات الهاتف بس ده بيرجع لحجم وجوده الشاشه وقوه المعالج اللي فرق عن النوت5

٤/بالنسبه للالعاب انا مش عندى العاب كتير بس بلعب ببجي والصراحة انا رافع الجرافيك علي اعلي حاجه يدعمها الجهاز ومفيش لاج ولا سخونيه وده بيرجع لفولدر صغير انا منزله مكان فولدر تاني للعبه بس لو من غير الفولدر ده ورفعت جوده اللعبه حتقطع معاك...

٥/طبعا اكتر حاجه مضايقاني من الجهاز بروز الكاميرا وطبعا ده بيتحل بجراب لكن انا كده ضيعت ملامح وحلاوه الجهاز....

٦/الجهاز مش متين زى فيديوهات اليوتيوب يعني عادى ممكن يتكسر ويتجرح ويتشرخ وبالتالي من اهم الحاجات اول ماتجيبه لازم تركب جراب غير اللي معاه فالعلبه وتركب اسكرينه5d علي طول ودى افضل انواع الاسكرينات او تركب اسكرينه مط ضد البصمه علشان ميبصمش منك لكن ال5d امتن واقوى..

٧/طبعا فى مشكلتين رئيسيتين بالجهاز مشكله الانتظار وهى لو انت بترن علي حد وهو معاه مكالمه مش حتقدر تعرف انه بيتكلم ودى حاجه ممكن تسببلك حرج مع الناس...وتاني مشكله وهى عدم ظهور الاشعارات اعلي الشاشه ودى ليها حل ببرنامج حسيبلكم الرابط بتاعه برضوا.....

دلوقتي حنزلكم لينك رابط جوجل كاميرا مباشره من غير لف ولادوران ولا انك تحتار تنزل انهي نسخه وبالنسبه للاعدادات فالغالب تفتح اى حاجه تلاقيها مقفوله او تستخدمه علي الاعدادات بتاعته عادى.....

اسف عالاطاله وده رايي الشخصى المتواضع ولو اى حد عنده تعليق علي كلامي او عايز يتستفسر عن اى حاجه وانا اعرفها انا تحت امره..

جوجل كاميرا

https://www.celsoazevedo.com/files/android/google-camera/dev-bsg/#apk917

برنامج ظهور الاشعارات

https://play.google.com/store/apps/details?id=zanini.andrea.notchtest
2019-06-16 08:26:56
Favorites1 RateRate

Rookie Bunny

EL_ZoZggg | from Redmi Note 7

#1

الهاتف مرة خرافة
2019-06-16 09:45:48

Semi Pro Bunny

Elferon Elsagher Author | from Redmi Note 7

#2

EL_ZoZggg
الهاتف مرة خرافة

اكيد والحمدلله انه مخيبش ظننا
2019-06-16 12:09:44

Master Bunny

Waleed Edfawy | from Redmi Note 5

#3

ممتاز بس فى معلومه .. ال Note 5 بطاريتة بتعدى اليوم كامل مها كان إستخدامك لو شاحنه ١٠٠٪ وعموماً هى نفس البطارية اللى فى Note 7 بس فرق الشاشة وغيرة ممن يستهلك معاك أكتر من Note 5
2019-06-16 13:52:13

Semi Pro Bunny

Elferon Elsagher Author | from Redmi Note 7

#4

Waleed Edfawy
ممتاز بس فى معلومه .. ال Note 5 بطاريتة بتعدى اليوم كامل مها كان إستخدامك لو شاحنه ١٠٠٪ وعموماً هى نفس البطارية اللى فى Note 7 بس فرق الشاشة وغيرة ممن يستهلك معاك أكتر من Note 5

انا برضوا النوت5 مكانش بيكمل معايا اليوم علشان استخدامي تقيل
2019-06-16 14:14:39

Advanced Bunny

Omar_Bassam | from Redmi Note 7

#5

عندما اقوم بتسجيل صوتي باستخدام برنامج recorder الخاص بالجهاز ، يُسجل لمدة  4 ثواني فقط و يوقف التسجيل و تظهر لي هذه الرسالة
When I record voice recording Using Recorder app of the device , it recoed for only 4 seconds and stop recording and show me this message
2019-06-16 14:24:31

Advanced Bunny

Ashraf mohamed | from Redmi 7

#6

انا معاك ف  اللي قولته الصراحه لأن تقريبا redmi note 7
بيتفوق علي معظم الهواتف اللي قبله من كل الماركات خاصة ف الكاميرا وميزة الريموت لن تجدها في اي هاتف اخر ف الفئه السعرية دي اما الفئات الاعلي موجود في ماركات تانيه بصرف النظر عن أنه محتاج تطوير جامد جدا  وطبقة حمايه من gorilla glass 5 علي الشاشه أما البطاريه النت شغال عندك باستمرار حيخلص البطارية بسرعه ولو استخدامك استخدام عالي بالإضافة للنت حتخلص ف 6ساعات لكن لو استخدامك متوسط حاتكمل معاك من 18ل24 ساعه ولو استخدامك خفيف من من يوم ونص ل يومين وده ف حد ذاته مش سئ لأنه بيتوقف علي استخدامك مش عيب ف الموبايل  بيخلص منك الشحن  وعلي فكرة انا قرأت أن شركة Energizer's اكبر شركات البطاريات حتنتج مع شركة فرنسية موبايل بطاريته بتستمر لمدة أسبوع بدون شحن بس الله اعلم نشوف ده أمته لكن realme3pro هاتف كويس جدا
2019-06-16 14:44:21

Master Bunny

Alsahr | from Redmi Note 7

#7

وجهة نظر ممتازه
2019-06-16 16:29:02

Semi Pro Bunny

Elferon Elsagher Author | from Redmi Note 7

#8

Alsahr
وجهة نظر ممتازه

تسلم ياكبير
2019-06-16 17:58:42

Advanced Bunny

Menna Ahmed | from Redmi Note 7

#9

معلش ممكن حضرتك توضح يعني ايه نزلت فولدر مكان فولدر تاني في بابجي اصل هي ساعات بتهنج
2019-06-16 18:18:20

Rookie Bunny

Ahmed adel711 | from Redmi Note 7

#10

بنزل تطبيق جوجل كاميرا وباجي افتحو بيقولي التطبيق سيستمر في التوقف ممكن حل
2019-06-16 23:36:16
please sign in to reply.
Sign In Sign Up

Elferon Elsagher

Semi Pro Bunny

  • Followers

    17

  • Threads

    83

  • Replies

    260

  • Points

    1447

Redmi Note 6 pro
Throw Back with Mi 2018

Read moreGet new
Copyright©2016-2019 Xiaomi.com, All Rights Reserved
Content Policy
Quick Reply To Top Return to the list